Hópur ríkasta fólks Bandaríkjanna leggur það til í opnu bréfi til frambjóðenda til forsetakosninganna, að lagður verði á sérstakur auðlegðarskattur. Peningana ætti meðal annars að nýta til umhverfis- og heilbrigðismála.

Hluti ríkasta fólks Bandaríkjanna hefur sameinaðast um mikilvæg skilaboð. Í opnu bréfi til þess stjórnmálafólks sem býður sig fram til forsetakosninganna 2020, hvetur hópurinn til þess að stórnvöld setji á auðlegðarskatt, sem á að beinast sérstaklega að allra ríkasta fólki Bandaríkjanna. New York Times skýrir frá þessu.

„Bandaríkjunum ber siðferðisleg og fjárhagsleg skylda til þess að leggja hærri skatta á auð. Tekjurnar af auðlegðarskatti gætu haft áhrif á fjárhag þjóðarinnar, bætt heilbrigðiskerfið og skapað tækifæri til þess að styrkja lýðræðið. Það kemur sér vel fyrir lýðveldið að leggja á auðlegðarskatt,“ stendur meðal annars í bréfinu.

Meðal þeirra sem skrifa undir bréfið er fólk úr efsta lagi samfélagsins, má þar nefna Georg Soros, Chris Hughes, sem er einn stofnadi Facebook og Abigail Disney, frænka Walt Disney. Alls skrifa 18 manns frá 11 fjölskyldum undir bréfið, margir þeirra sem skirfa undir eru þekktir fyrir að taka þátt í stjórnmálaumræðunni í Bandaríkjunum.

Milljarðamæringarnir leggja til að á auð yfir 50 milljónir dollara verði lagður 2% viðbótarskattur og sé auðurinn yfir 1 milljarður dollara verði skatturinn 1% til viðbótar.

Tillagan kemur uphaflega frá öldungarþingmanninum Elizabeth Warren, hún segir að auðlegðarskatturinn muni leggjast á um 75.000 bandarískar fjölskyldur og verði hann lagður á muni 2.75 milljarðar dollara bætast í ríkiskassann á 10 ára tímabili.

„Nýjar skatttekjur ættu að koma frá þeim sem hafa það best – ekki frá meðal- og lágtekjufólki“, stendur í bréfinu.