Margir halda til útlanda, meðal annars til að skoða sig um í erlendum sktórborgum, í sumarfríinu sínu. En áður en haldið er af stað er vert að athuga hvar maður þarf að passa sig aðeins betur.

Margir hafa lent í því að tapa verðmætum í hendur þjófa á ferðalögum sínum. Líkurnar á því að verða fórnarlamb þjófa eru ekki alls staðar jafn miklar, meðal þeirra borga sem mestar líkur eru á þjófnaði eru Barselóna, Róm, Gautaborg, Ríga, London, París, Aþena og Prag. Ungt fólk sem ferðast eitt og þar sem áfengi er með í för, er í mestri hættu á að verða fórnarlömb þjófnaðar.

Það er fátt sem hefur verri áhrif á skemmtunina en að lenda í því að símanum, myndavélinni, kreditkortunum eða peningunum sé stolið.

Flestir þjófnaðir eiga sér stað á opinberum stöðum, þar sem margt fólk er samankomið og þrengsli eru mikil. Þess vegna er mikilvægt að vera vel á verði í strætisvögnum, á lestastöðvum og á veitinga-, eða kaffihúsum.