Ný viðarstytta af bandarísku forsetafrúnni Melania Trump hefur verið afhjúpuð fyrir utan Sevenca, heimabæ hennar í Slóveníu. Bandaríkjamaðurinn Brad Downey fékk listamanninn Ales Zupevc til að gera verkið. Frá þessu hefur verið greint í fréttamiðlum út um allan heim. Styttan hefur vakið mikla athygli en líkindin á milli styttunnar og forsetafrúarinnar þykja ekki vera mikil. Viðbrögð almennings við styttunni eru mismunandi, sumum finnst hún vera skammarleg en aðrir telja þetta vera skemmtilegan hrekk.