Þessi bráðnauðsynlega uppfinning á rætur að rekja til Bandaríkjanna þar sem þessir koddar eru búnir til í höndum. Hann var hannaður sérstaklega til að leysa málið með blóðlausu handleggina. Því hefur fólk enga afsökun lengur fyrir að liggja ekki þétt saman og halda utan um hvort annað.
Mirror skýrir frá þessu. Fram kemur að meðal annars sé hægt að kaupa koddann í netverslun Amazon.
En það er hægt að nota hann í meira en bara að bjarga handlegg frá blóðleysi þegar legið er þétt saman. Það er líka hægt að nota hann til að sofa á hliðinni eða bara liggja á hliðinni með höfuðið á koddanum á meðan horft er á sjónvarpið og kíkt í símann.
En þegar lögun koddans er skoðuð vaknar sú spurning eflaust hjá mörgum hvernig koddaver á að nota utan um hann. Því verður ekki svarað hér.