Í samtali við FOX35 Orlando sagði hann að börnin hafi leikið sér í fjöruborðinu og það hafi verið frábært tilefni til að taka myndir af þeim úr lofti. Skömmu eftir að dróninn var kominn á loft sá Dan svartan skugga í vatninu og stefndi hann á börnin. Hann hljóp strax niður að fjöruborðinu og sagði eiginkonu sinni og börnum að koma strax upp úr.
„Komið ykkur upp úr, komið ykkur upp úr, komið ykkur í burtu!“
Hrópaði eiginkona hans, Sally Watson, síðan á börnin.
Dan birti síðan myndir á Instagram af þessu. Á einni þeirra sést hákarlinn stefna á fjölskylduna, á næstu sést fjölskyldan flýta sér upp úr sjónum en hákarlinn syndir frá þeim.
„Alltof nálægt fyrir minn smekk.“
Skrifaði Dan á Instagram.
„Þegar maður hugsar um hákarla þá hugsar maður að þeir séu í djúpum sjó. Manni dettur ekki í hug að þeir geti komið svona nálægt þegar maður stendur bara í sjó upp að hnjám. Það var hræðilegt að sjá hann koma svona nálægt börnunum mínum.“
Sagði Sally í samtali við News 13.
CBS Miami segir að fyrir rúmri viku hafi 18 ára brimbrettakappi verið bitinn í fótinn af hákarli á fyrrnefndri strönd.
https://www.instagram.com/p/BzGpqRLBdMZ/?utm_source=ig_embed