Hópur ferðamanna breyttu Disneylandi í ofbeldisvettvang fyrir framan fjölskyldufólk og ung börn. Þetta sést í ógeðfelldu myndbandi, en New York Post greinir frá málinu.
Myndbandið var tekið upp í Disneyland-garðinum, Kaliforníu-fylki, Bandaríkjunum. Í því sjást nokkrir einstaklingar í mjög alvarlegum slagsmálum.
Að minnsta kosti tveir einstaklingar enda kylliflatir í jörðinni í slagsmálunum, en í þeim fljúga þónokkur hnefahögg.
Sá einstaklingur sem er hvað mest áberandi í myndbandinu heyrist öskra „Ég er tilbúinn í að fara í steininn í nótt!“ ásamt því að segja „mér er alveg sama þó ég sé á myndbandi,“
Að lokum kom lögregla á vettvang. Hún handtók engan en lögregluyfirvöld í Kaliforníu viðurkenndu að lögregluþjónarnir hefðu ekki áttað sig á alvarleika málsins.
Hér að neðan má sjá myndbandið umtalaða.
