The West Australian skýrir frá þessu. Fram kemur að maðurinn, sem veitti vinningshafanum fjárfestingaráðgjöf, hafi nú verið dæmdur til að greiða honum háar bætur.
Málið hófst 2007 þegar Sherif Girgis, þá 23 ára, trúði varla eiginn heppni þegar hann vann stærsta lottóvinninginn í ástralskri sögu. Á augabragði breyttist líf hans algjörlega. Hann hætti að vinna hlutastarf í kvikmyndahúsi og varð milljarðamæringur.
Þegar peningarnir höfðu skilað sér inn á bankareikninginn hans ákvað hann að leita ráða hjá hinum farsæla fasteignasala Russell Poliwka og fá ráð um fjárfestingar. Á skömmum tíma var milljónum mokað út, þar á meðal í bar, lúxusbát, næturklúbb og einnig keypti hann mikið af jörðum.
Peningarnir streymdu út af reikningnum en innstreymið var öllu minna. Eftir fimm ár átti hann sem nemur rúmlega 400 milljónum íslenskra króna eftir. Tveimur árum síðar hafði hann tapað enn meiru og ákvað þá að höfða mál á hendur Poliwka fyrir slæma ráðgjöf. Það mál hefur hann nú unnið að sögn The West Australian. Hann fær þó ekki mikið í bætur ef miðað er við stærð lottóvinningsins en bæturnar nema sem svarar til um 170 milljóna íslenskra króna.