Þessi sextugi Breti hefur lengi verið þekktur í litlum hópum en nú má segja að heimsfrægðin hafi knúið dyra hjá honum. Hann kemur fram í þáttum bresku sjónvarpstöðvarinnar Channel 5 „The House of Extraordinary People“.
Í þáttunum segja hann og níu aðrir frá því hvernig það er að lifa með útlit sem ekki fellur að stöðlum samfélagsins.
Eitt fyrsta skref Ted til að líkjast páfagauknum var að láta húðflúra fimm liti páfagaukafjaðranna á líkamann. Því næst fór hann í erfiða augnaðgerð sem hefði getað gert hann blindan. Í henni var rauðum og bláum lit sprautað í augun. Einnig hafa stórir hlutar verið skornir af eyrum hans. Hann segir að þetta hafi skaðað heyrnina en hafi verið þess virði.
Fyrir tveimur árum breytti hann nafni sínu í Ted Parrotman.
„Ég er ekki í neinum tengslum við foreldra mína. Það hef ég ekki verið árum saman því okkur semur ekki mjög vel. Ég veit raunar ekki hvort þau eru á lífi. Ég tala heldur ekki við systkin mín.“
Sagði hann í samtali við Bristolpost.