Ef þú vilt hærri laun, hver vill það ekki?, þá þarftu kannski að huga að flutningum og flytja úr landi. Það er vænlegur kostur að finna vinnu í landi þar sem nokkrir af stærstu bönkum heims og lyfjafyrirtæki eru með höfuðstöðvar sínar.

Þetta er Sviss svo það þarf ekki að fara langt. Samkvæmt niðurstöðum nýrrar rannsóknar á vegum HSBC Holdings Plc. þá er Sviss það ríki heims þar sem best er fyrir útlendinga að starfa og þeir hafa hæstu launin. Bloomberg skýrir frá þessu.

Meðallaun útlendinga í Sviss eru sem svarar til um 14 milljóna íslenskra króna á ári en það er 47% hærra en meðaltal hinna 33 ríkjanna sem voru með í rannsókninni.

Sviss hefur því skákað Singapore sem vermdi toppsæti listans áður.