Hann segir í viðtali við Jótlandspóstinn, að það sé svo dýrt að aðlaga þær borgir og bæi sem liggja við ströndina að loftslagsbreytingunum að það geti orðið nauðsynlegt að skipta um höfuðborg. Hann segir að áhrif loftslagsbreytinga séu svo miklar að 25% alls útsvars sem greitt er í Kaupmannahöfn, muni fara í viðgerðir á húsum og innviðum borgarinnar. Hann segir ennfremur að samfélagið hafi ekki efni á þessu, að við getum ekki haldið áfram á sömu braut. Ef hitastig heimsins muni hækka um fjórar gráður muni maður kannski sjá eftir því að hafa ekki skipt um höfuðborg.
Ef yfirborð hafsins mun hækka um einn og hálfan metra, eins og margar spár segja til um, telur Karsten Arnbjerg-Nielsen, að kostnaður Kaupmannahafnar vegna þess, gæti orðið um 150 til 250 milljarðar króna á ári. Hann bendir á Hróarskeldu sem besta kostinn til að taka við titlinum sem ný höfuðborg landsins, þar sem Kaupmannahöfn mun ekki verða eins nálægt ströndinni, ef byggja þarf varnargarða í kringum borgina svo hægt sé að halda vatninu frá.
Hann bendir einnig á það að samfélagið muni þurfa að taka erfiðar ákvarðanir í framtíðinni. „Það er ekki hægt að byggja 8.000 kílómetra langa varnagarða í kringum Danmörku. Það þarf að finna út úr því hvar á að byggja og hvar á ekki að byggja“, segir hann.