Í síðasta mánuði fundust mannabein í sjónum undan austurströnd Ástralíu. Lögreglan segir að þau séu af Erwan Ferrieux, 21 árs Frakka, sem hafði verið saknað í fimm mánuði. Hann sást síðast með breska ferðamanninum Hugo Palmer, 20 ára, nærri Port Macquarie sem er vinsæll ferðamannastaður tæpa 400 km norðan við Sydney.

Lögreglan fann bílaleigubíl þeirra á bílastæði við ströndina og voru ýmsar eigur þeirra í bílnum og varð það til að fólk hafði miklar áhyggjur af velferð þeirra félaganna. Nokkur mannabein fundust í sjónum nærri ströndinn í síðasta mánuði og nú liggur niðurstaða rannsóknar á þeim sem sagt fyrir.

Samkvæmt frétt Sky þá sagði talsmaður lögreglunnar að DNA-rannsókn hafi leitt í ljós að hér væri um líkamsleifar Ferrieux að ræða. Fleiri bein fundust á sunnudaginn og eru þau nú til rannsóknar.

Ferrieux og Palmer komu til Ástralíu í nóvember á síðasta ári en landið er vinsæll áfangastaður ungra bakpokaferðalanga.

Lögreglan leitar einnig að 18 ára Belga, Theo Hayez, sem hefur ekki sést síðan í lok maí en þá sást til hans í Byron Bay sem er tæpa 800 km norðan við Sydney.