Síðar á árinu verðu lokað fyrir aðgang fjallgöngufólks og annarra að Uluru, sem er einnig þekkt sem Ayers Rock, í Ástralíu. Þetta er gert til að vernda þennan sérstaka og heilaga stað fyrir tjóni sem ferðamenn valda.

Bannið tekur gildi þann 26. október en það er sett að undirlagi frumbyggja Ástralíu og óska um náttúruvernd. En bannið hefur nú þegar haft þveröfug áhrif að því að segja má því margir hafa greinilega sett sér það markmið að komast á topp Uluru áður en bannið tekur gildi og kletturinn verður girtur af. Segja má að sannkölluðu ferðamannainnrás hafi verið við klettinn að undanförnu. Svo mikill hefur fjöldi ferðamanna verið að samfélagið á svæðinu ræður ekki við fjöldann.

Ferðamenn hafa farið af þjóðveginum og ekið aðrar leiðir til að komast að klettinum en þær liggja í gegnum landsvæði frumbyggja eða eru lokuð fyrir umferð. Þá hafa ferðamenn skilið rusl eftir, kveikt bál og sumir ökumenn húsbíla hafa tæmt úr salernum þeirra nærri klettinum.

Uluru er fjarri stórum bæjum og borgum og því ekki margir staðir þar sem ferðamenn geta slegið upp tjöldum eða lagt húsbílum sínum yfir nótt. Öll tjaldsvæði á svæðinu eru fullbókuð næstu vikurnar og því taka margir það til bragðs að tjalda og leggja húsbílum utan tjaldsvæða.

Sjónvarpsstöðin ABC Alice Springs fékk senda mynd af fólki á göngu upp á topp Uluru og var nánast um röð að ræða eins og sjá má á myndinni hér fyrir neðan.