Eins og staðan er núna eru aðeins tvær af vélunum flughæfar. Mikil vandamál hafa verið með hreyfla þeirra og annan vélbúnað. Telegraph segir að þessi vandræðagangur hafi orðið til þess að Bretar tóku málið nýlega upp á NATO-fundi.
Nýlega ræddi Mark Francois, fyrrum varnarmálaráðherra, málið á þingi og sagði að stórfé hafi verið greitt fyrir flugvélar sem ekki væri hægt að treysta á, með lélega hreyfla og nánast ónýta gírkassa, þær titri mikinn og geti ekki flutt fallhlífahermenn.
Talsmaður hersins svaraði þessu og sagði að samningar væru að nást við Airbus og framleiðanda hreyflanna um lausn sem myndi ekki valda neinum aukakostnaði fyrir herinn.
