Ástin spyr ekki um aldur og það á svo sannarlega við í tilfelli karls og konu sem urðu ástfangin þegar þau kynntust á dvalarheimili aldraðra í Karlshamn í Svíþjóð en þar búa þau í sitthvorri íbúðinni. Dóttir konunnar hefur nú sent kvörtun til sveitarfélagsins og heilbrigðisyfirvalda vegna framkomu starfsfólks í garð parsins. Segir konan að starfsfólkið sé ekki sátt við sambandið og hafi að minnsta kosti tvisvar á einum mánuði gert opinskátt grín að gamla fólkinu.

Samkvæmt umfjöllun Blekinge Läns Tidning og Aftonbladet þá segir dóttirin að starfsmaður hafi opnað læstar dyr að annarri íbúð parsins og hafi starfsfólkið farið inn og komið að fólkinu í rúminu að stunda kynlíf og hafi hlegið að þeim.

„Þau eru ástfangin og vilja hafa sína ást í friði og ekki deila henni með starfsfólkinu eða öðrum íbúum. Starfsfólkið má ekki bara opna læstar dyr að íbúðum íbúa og fara inn.“

Dóttirin krefst þess að gripið verði til aðgerða og krefst afsökunar frá sveitarfélaginu og að það taki ábyrgð sína alverlega þegar brotið er á öldruðu fólki.