IKEA hefur ákveðið að loka einu húsgagnaverksmiðju sinni í Bandaríkjunum og flytja starfsemina til Evrópu. 300 manns missa vinnuna við þetta. Verksmiðjan, sem er í Danville í Virginíu, hættir starfsemi í desember.

CNN Business skýrir frá þessu. Fram kemur að samkvæmt upplýsingum frá talsmanni IKEA þá muni þetta lækka framleiðslukostnaðinn. Allt hafi verið gert til að bæta samkeppnishæfi verksmiðjunnar í Danville en því miður sé framleiðslukostnaðurinn of mikill og því verði henni lokað.

Verksmiðjan var opnuð 2008 en þar eru aðallega framleiddar vörur úr timbri, til dæmis hillur og geymslukassar.

Aðeins eru sex mánuðir síðan 60% starfsfólksins í verksmiðjunni var sagt upp en þá var skýringin að framleiðslan væri fjórðungi minni en vænst var.

IKEA segir að verð á hrávörum sé hærra í Bandaríkjunum en Evrópu.