Þetta kemur fram í umfjöllun TV2 um málið. Þar kemur fram að fjöldi rússneskra herskipa sé nú á leið til æfingasvæðanna. Til að bregðast við þessu og tryggja betri skilning á milli Rússa og NATO, sem Norðmenn eru aðilar að, eru þrjár bandarískar Poseidon P8 eftirlitsflugvélar komnar til Andøya. Þær munu fylgjast með æfingunum.
Rússar hafa tilkynnt að þeir muni standa fyrir fjórum eldflaugatilraunum á æfingasvæðunum og verður þeim því lokað fyrir almennri flugumferð á meðan.
Æfingarnar fara allar fram á alþjóðlegu hafsvæði rétt við norska lögsögu.