Lögreglan í Connecticut í Bandaríkjunum handtók á sunnudagskvöldið Wendy Helena Alberty eftir að farþegi hringdi í neyðarlínuna og sagði hana hafa læst sig inni í farangursgeymslu strætisvagns. Vagninn var á leið til Boston þegar akstur hans var stöðvaður.

Þegar akstur vagnsins var stöðvaður var karlmaður undir stýri. Hann var beðinn um að opna farangursrýmið þar sem kona reyndist vera. Hún sagði lögreglumönnum að Alberty hefði vísvitandi lokað hana inni í farangursrýminu þegar hún var að sækja farangur sinn. Alberty var enn í vagninum og var handtekin að sögn NBC News.

Málið verður tekið fyrir dóm síðar í mánuðinum. Alberty hefur verið vikið frá störfum hjá strætisvagnafyrirtækinu á meðan málið er til rannsóknar og meðferðar hjá dómstólum. Hún hefur starfað hjá fyrirtækinu síðan 2012 og á flekklausan feril að baki og hefur að sögn stjórnenda margoft fengið lof frá viðskiptavinum fyrir hjálpsemi og öruggan akstur.