Þegar hinn sjötugi Terry Brazier lagðist inn á sjúkrahús í Leicester til að gangast undir aðgerð á þvagblöðrunni átti hann ekki von á öðru en að koma út aftur með forhúðina á sínum stað. En það fór ekki svo. Fyrir mistök var hann umskorinn. Hann hefur nú fengið sem svarar til um þriggja milljóna íslenskra króna í bætur vegna þessa.

Daily Star hefur eftir Brazier að þetta hafi komið honum töluvert á óvart.

„Þeir höfðu ekki hugmynd um hvað þær ættu að segja þegar þeir komust að hvað þeir höfðu gert.“

Sagði hann um samskiptin við læknana eftir að mistökin uppgötvuðust.

Sjúkrahúsið segir að mistökin hafi orðið vegna þess að læknarnir fengu rangar upplýsingar með Brazier þegar hann kom í aðgerðina. Það harmar jafnframt mistökin og féllst á að greiða honum bætur eins og fyrr segir.