Þetta gerði hann eftir að hann hitti hjúkrunarfræðing sem hann vildi gjarnan stunda kynlíf með. Daginn eftir fór hann til Berlín og var þá enn með standpínu. Hann setti kaldan bakstur um liminn til að draga úr sársaukanum. Eftir að hann var lagður inn settu læknar langan nagla inn í þvagrás hans, án deyfingar, og hafa reynt að fjarlægja blóð úr limnum en án árangurs.
Hann hefur deilt þessari reynslu sinni með Daily Mail og á Facebooksíðu sinni. Þar segir hann að hægt og rólega hafi blóðmagnið í limnum þó minnkað. Hann segir að ef hann eigi að lýsa sársaukanum á skalanum einn til tíu þá sé hann tíu.
„Þetta var ein versta ákvörðun lífs míns. Stundum vakna ég og græt yfir eigin heimsku og þess sem ég hef glatað og þess sem mun gerast.“
Segir hann. Eins og gefur að skilja er nauðsynlegt fyrir hann að vera virkur í kynlífi til að geta skrifað um kynlíf en hugsanlega þarf að taka liminn af honum og þá verður lítið um kynlíf. Hann segist óttast framtíðina vegna þessa og hvort hann muni nokkru sinni geta stundað kynlíf aftur og hvaða áhrif þetta hefur á samband hans við unnustann Philip en þeir eru í opnu sambandi.
Miklir verkir hafa fylgt þessari langvarandi standpínu og hefur oft liðið yfir Danny vegna þeirra. Læknar segja að blóðsöfnunin í lim hans geti ógnað lífi hans.
Læknar segja að lyfið sem Danny sprautaði í liminn hafi orðið fyrir áhrifum af HIV-lyfi og viagra sem var í blóði hans og hafi valdið þessari langvarandi standpínu.