Lögreglan í Wales leitar nú fíkniefnasalans Jermaine Taylor. Til að auðvelda leitina birti lögreglan mynd af manninum á Facebook-síðu sinni. Frá þessu greinir fréttastofa BBC.
Myndin af Jermaine fékk mikla athygli, en það var sérstaklega hár hans sem vakti mikla kátínu.
Myndin varð skotmark fjölda brandara og mikils gríns, en fjöldi fólks lét ummæli falla við Facebook-færsluna, eða hátt í 90.000 manns.
Lögreglan gaf þó út yfirlýsingu þar sem kom fram að móðgandi ummæli gætu verið kærð.
„Við þökkum öllum sem hafa hjálpað okkur að því að staðsetja Jermaine Taylor og við viðurkennum að sum ummælin fengu okkur til að hlæja, hinsvegar fóru sum ummælin yfir línuna og voru virkilega móðgandi, “segir í færslu lögreglu.
„Við minnum fólk á að það ber ábyrgð á orðum sínum á netinu.“