Ef þú ert búin(n) að kaupa þér flugmiða til Mallorca á næstunni er kannski betra að biðja til æðri máttarvalda um að sorphreinsunarmenn nái að semja við vinnuveitendur sína um kaup og kjör. Sorphirðumennirnir eru nú að undibúa verkfall og á það að skella á þann 22. ágúst næstkomandi.

Það er því full ástæða til að vera undir mikla fýlu búinn ef haldið er til Mallorca eftir þennan tíma og samningar hafa ekki náðst.

„Við viljum ekki valda ferðamannaiðnaðinum tjóni en með verkfalli eins og þessu mun öll Mallorca lykta eftir þrjá daga.“

Hefur Daily Star eftir talsmanni stéttarfélags sorphirðumanna.

Byrjað er að vara ferðamenn við verkfallinu og að fljótlega eftir að það skellur á muni hugsanlega verða heilu fjöllin af sorpi fyrir framan hótelin.

Sorphreinsunarmennirnir krefjast launahækkunar sem kemur launum þeirra upp í sem nemur um 180.000 íslenskum krónum á mánuði.