Aaron Katersky, blaðamaður ABC News, var fyrsti fjölmiðlamaðurinn til að segja frá andláti Epstein á Twitter klukkan 8.54 að morgni laugardags. Klukkan 8.16 birtist hins vegar nafnlaus færsla á vef 4chan þar sem finna mátti býsna ítarlegar upplýsingar um málið.
„Ekki spyrja hvernig ég veit það, en Jeffrey Epstein dó fyrir klukkutíma,“ stóð í færslunni. Aðrir notendur efuðust um sannleiksgildi þessara upplýsinga en umræddur notandi veitti þá frekari upplýsingar. Til dæmis þær að Epstein hefði hengt sig í fangaklefa sínum og endurlífgunartilraunir hefðu staðið yfir í 60 mínútur.
Í frétt BuzzFeed, sem fjallar um þetta, kemur fram að slökkviliðið í New York, sem sér um sjúkraflutninga, hafi rannsakað hvort einhver þeirra sjúkraflutningamanna sem kom að málinu hafi lekið því á netið. Rannsóknin leiddi í ljós að svo var ekki. Ekki liggur fyrir hver hafði þessar upplýsingar og lak þeim á netið.
Sjá einnig:
Þrír reknir vegna dauða Epstein
Síðustu klukkustundirnar í lífi Jeffrey Epstein
Mikil dulúð í kringum dauða Jeffrey Epstein – Átti valdamikla vini sem sumir óttuðust hann
