Flestir vita margt og búa yfir mikilli þekkingu en það verður seint þannig að við vitum allt. Sumt af því sem við vitum er mikilvægt að vita en annað skiptir minna máli. Við látum ósagt hvort það sem er talið upp hér að neðan skiptir miklu máli að vita eða ekki en samt sem áður er þetta eitthvað sem þú vissir ekki að þú vildir vita en þú þarft samt sem áður ekki að vita þetta!

Bakteríusprengja. Þegar fólk hnerrar getur hnerrinn náð allt að 160 km/klst og með honum geta 100.00 bakteríur borist út í andrúmsloftið. Svo hér er um sannkallaða bakteríusprengju að ræða. Guð hjálpi þér!

Sterkar magasýrur. Magasýrurnar í okkur eru svo öflugar að þær geta leyst málma upp. Það er því spurning hvort morðingjar ættu ekki að gleypa skammbyssur sínar til að eyða sönnunargögnum?

Bjarndýramix. Það gerist öðru hvoru að ísbirnir og grábirnir eignist afkvæmi saman. Þessi nýja blanda (tegund) hefur verið kölluð Pizzly.

Hvað stendur hin vinsæla skammstöfun OK eiginlega fyrir? Þessu hafa margir eflaust velt fyrir sér. Líklegt er talið að hér sé um stafsetingarvillu að ræða og að í upphafi hafi þetta átt að vera OC sem stendur fyrir „all correct“. Þá vitum við það!

Þvag á tennur. Þegar rómverjar til forna vildu fá hvítari tennur nudduðu þeir þvagi á þær, líklegast eigin þvagi.

Stórt haf. Kyrrahafið er stórt, mjög stórt. Það er stærra en allur landmassi jarðarinnar til samans.

Pez og reykingar. Hinir vinsælu Pezkarlar og tilheyrandi töflur voru upphaflega hannaðar til að hjálpa fólki að hætta að reykja. Það skýrir af hverju karlarnir eru eins og kveikjarar í laginu.

Hreinlætið. Klósettsetur eru hreinni en farsíminn þinn.

Hnuplarar. Vinsælasta matvaran hjá búðarþjófum (hnuplurum) er ostur. Ostur er sú matvara sem þeir stela oftast.