Í heimildamyndinni „Scandalous: The Death of Marilyn Monroe“ sem sýnd verður á Fox News á sunnudag, segir sonur Leigh Wiener frá því hvernig faðir hans fékk aðgang að líkhúsinu í Los Angeles, aðeins nokkrum klukkustundum eftir lát Marilyn Monroe til að taka hinar frægu myndir, sem þó hafa aldrei verið gerðar opinberar. Aðferðin sem hann notaði til að fá aðgang var mútur.
Devik Wiener segir frá því í heimildamyndinni að faðir hans hafi boðið nokkkrum starfsmanna líkhússinn uppá drykk og hafi þannig komist inn. Daily Mail skýrir frá þessu.
Leigh Wiener beitti oft þeirri aðferð að gefa þeim sem áttu að halda honum frá lokuðum svæðum áfengi. Sonur hans segir að þetta hafi ekki verið í fyrsta sinn sem hann hafi notað nokkrar viskýflöskur til að komast inn á svæði, sem hann ætti annars ekki að fá aðgang að.
Þrátt fyrir að myndirnar af nöktu líki Marilyn Monroe hafi aldrei verið gerðar opinberar, gildir það ekki um allar myndirnar sem Leigh Wiener tók í þessari heimsókn sinni í líkhúsið.
Ein myndanna, sem birtist í LIFE Magazine, er mjög þekkt. Þar sést merkið sem hékk á tá Marilyn undan líkklæðinu.
Marilyn Monroe, sem hét upphaflega Norma Jeane Baker, fannst látin á heimili sínu þann 5. ágúst 1962, aðeins 36 ára að aldri. Á sinni stuttu ævi náði hún að verða ein þekktasta leikkona sögunnar og eitt stærsta kyntáknið.
Meðal þeirra mynda sem hún lék í var „Some like it hot“, hún var einnig þekkt fyrir að hafa átt í ástarsambandi við John F. Kennedy, fyrrverandi forseta Bandaríkjanna.