„Það er nægur ís á Grænlandi til að hækka yfirborð sjávar um 7,5 metra. Við ættum nú þegar að hörfa frá ströndunum í ljósi þess hversu marga metra af þeim við munum missa á næstu öld eða tveimur.“
Sagði hann í samtali við CNN.
Mikil bráðnun hefur verið á Grænlandi í sumar og má þar nefna að þann 2. ágúst er talið að 12,5 milljarðar tonna af ís hafi bráðnað. CNN skýrir frá. Á venjulegum degi er talið að um 4 milljarðar tonna bráðni.
Hitinn náði nýjum hæðum á Grænlandi í sumar og því fékk Grænlandsjökull að kenna á.
En það er ekki bara lofthitinn sem hefur aukið hraða bráðnunarinnar því hafið er einnig orðið hlýrra og því hitnar ísinn bæða að ofan- og neðanverðu og þar af leiðandi verður bráðnunin miklu hraðari.