Þrátt fyrir að Leon van Biljon hefði alið ljónin sín þrjú upp frá því að þau voru pínulítil fékk hann að kenna á því á versta hugsanlega hátt að ljón eru meðal hættulegustu dýra heims. Ljónin hans þrjú réðust á hann aftan frá og urðu honum að bana.

Sky skýrir frá þessu. Fram kemur að þetta hafi gerst þegar Biljon, sem var sjötugur að aldri, var að lagfæra ljónagerðið.

Biljon gekk undir gælunafninu Ljónamaðurinn vegna uppeldis hans á ljónunum þremur. Hann sýndi af sér augnabliks aðgæsluleysi þegar hann sneri baki í ljóninn og þá réðust þau á hann. Hann lést nær samstundis.

Skjóta þurfti ljónin svo hægt væri að komast að Biljon til að kanna með ástand hans.