Þegar veislunni var lokið ákvað hún að skella sér til Ibiza en hún var ekki með neitt meðferðis nema veskið sitt og vegabréf og íklædd buxnadragt úr silki.
„Það heimskulegasta sem ég hef nokkru sinni gert,“ sagði hún í samtali við Manchester Evening News um þessa ákvörðun sína. Þegar hún ræddi við blaðið sagðist hún vera búin að eyða um 700 pundum í að komast til Ibiza og við að reyna að komast heim aftur.
„Ég var svo full. Þetta er það heimskulegasta sem ég hef gert. Ég var í skírn og vinur minn átti afmæli. Vinir mínir voru hér á Ibiza og spurðu hvort ég vildi ekki koma. Ég fór því af stað í fötunum sem ég var í, með greiðslukortið mitt og vegabréfið.“
Hún sagðist nánast ekki muna eftir að hafa farið um borð í flugvélina.
„Ég man ekki eftir þessu en ég elskaði lífið svo sannarlega þegar ég var á flugvellinum. Ég geri venjulega ekki neitt svona. Ég hef aldrei gert neitt þessu líkt. Þegar ég kom um borð í flugvélina hugsaði ég: „hvað hef ég gert?“
Kannski ekki skrýtið að þessi hugsun hafi læðst að henni því eftir að hún kom til Ibiza hefur hún átt í miklum vandræðum. Hún komst ekki heim til að mæta til vinnu og varð að útskýra málið fyrir yfirmanni sínum.
„Ég neyddist til að hringja í yfirmann minn og útskýrði málið og hann sagði að ég yrði að koma fljótt aftur. En það var fullbókað í allar vélar eða þá að flugin voru felld niður. Yfirmaðurinn var ekki glaður en ég held að hann sé búinn að jafna sig. Hann er góður yfirmaður og fyrirtækið er gott. Hann varð að sjálfsögðu fyrir vonbrigðum en kannski sér hann húmorinn í þessu.“
