CNN skýrir frá þessu. Það var þann 12. mars 1989 sem Berners-Lee kynnti hugmyndir sínar að Veraldarvefnum fyrir yfirmanni sínum. Nú, 30 árum síðar, notar rúmlega helmingur mannkyns netið og tæknirisar á borð við Google, Facebook og Twitter eru hið ráðandi afl á því. Fyrirtækin hafa á undanförnum árum verið gagnrýnd fyrir að hafa ekki staðið sig í að hindra útbreiðslu óáreiðanlegra upplýsinga og ofbeldi og áreiti.
Í bréfinu segir Berners-Lee að margir séu hræddir við netið eða efist um að það sé í raun til góðs fyrir fólk. Það hafi opnað möguleika og tækifæri fyrir jaðarhópa til að láta heyrast í sér, það hafi gert líf okkar auðveldara en um leið skapað tækifæri fyrir svikahrappa, auðveldað útbreiðslu hatursáróðurs og auðveldað ýmsar tegundir afbrota.
Hann segir að „baráttan um netið sé eitt mikilvægasta mál samtímans“.
„Við getum ekki bara kennt ríkisstjórn, samfélagslegu neti eða sál fólks um . . . Til að bæta úr þessu verðum við að standa saman sem alheims net-samtök.“
