Inni í kaupverði hússins er 400 metra löng innkeyrsla upp að því og stór gosbrunnur fyrir framan húsið. Auk þess eru fjórir bílskúrar, níu svefnherbergi og sjö stór baðherbergi í húsinu. Þá er einkahárgreiðslustofa, tvö eldhús og sérstök álma fyrir vistarverur þjónustufólks.
Réttarhöldin í máli Spector voru löng og um margt sérstök. Þegar fyrst var réttað í málinu 2007 komst kviðdómur ekki að niðurstöðu og því gat Spector gengið sem frjáls maður út úr réttarsalnum.
Málinu var áfrýjað og endaði þá ekki með sýknu heldur sakfellingu og 19 ára fangelsisdómi. Lana Clarkson og Spector hittust á næturklúbbi þar sem hún starfaði. Hann bauð henni með heim en hún afþakkaði. Hann lét þó ekki deigan síga og margbað hana um að koma með sér heim í The Pyrenees Castle til að fá sér einn drykk með honum sagði hún bílstjóranum sem ók þeim heim til Spector. Skömmu eftir komuna í húsið var hún látin.
Saksóknari sagði fyrir dómi að Spector hefði skotið hana þegar hún vildi ekkert með hann hafa að gera og hvað þá stunda kynlíf með honum. Hann var sagður skotglaður og mikill skapmaður.