Þetta kemur fram í fréttatilkynningu frá bandarísku geimferðastofnuninni NASA. Þar segir að NGC 6052, en það eru vetrarbrautirnar kallaðar, hafi fundist 1784 af breska stjörnufræðingnum William Herschel. Þær vöktu strax athygli hans enda um margt sérstakar.
En það sem hann vissi ekki en við vitum nú er að þarna eru tvær vetrarbrautir að renna saman. Þetta sýna myndir sem NASA og evrópska geimferðastofnunin ESA hafa tekið með geimsjónaukum sínum.
Samruninn, eða árekstur vetrarbrautanna, hefur breytt brautum margra stjarna í þeim en það er þó lítil hætta á að stjörnunar lendi í árekstrum þar sem þær eru agnarlitlar í samanburði við stærð vetrarbrautanna.
Nú er lokastig samrunans að eiga sér stað.
Sömu örlög bíða vetrarbrautarinnar okkar en hún mun renna saman við Andrómedu vetrarbrautina en þyngdaraflið dregur þær saman. Það er þó óþarfi að hafa áhyggjur því þetta gerist ekki fyrr en eftir um 4 milljarða ára og ferlið sjálft tekur langan tíma, gríðarlega langan tíma.