Í síðustu viku fór hópur nemenda úr Ungdomsskolen Helsingør í Danmörku í skólaferðalag til Manchester á Englandi. Á fimmtudaginn fóru nemendurnir út að hlaupa að morgni, allir nema einn. Sá sem ekki fór með að hlaupa er 17 ára er piltur. Hann bar vanlíðan við og ætlaði að vera á hótelinu á meðan hinir nemendurnir fóru að hlaupa.

Þegar þeir komu aftur var pilturinn horfinn af hótelinu og hefur ekkert heyrst frá honum síðan. Breska lögreglan rannsakar málið. Upptökur úr eftirlitsmyndavélum hótelsins sýna að pilturinn yfirgaf hótelið, íklæddur íþróttafatnaði, skömmu eftir að skólasystkin hans fóru út að hlaupa. Meðferðis hafði hann öll persónuleg skjöl og hleðslutæki fyrir gamlan farsíma sinn.

Nemandinn er ekki danskur ríkisborgari en er með dvalarleyfi í Danmörku. Hann tók skjöl um dvalarleyfið með sér þegar hann hvarf. Allt bendir því til að hann hafi látið sig hverfa af sjálfsdáðum. Ekki er vitað af hverju eða hvert hann gæti hafa farið en málið er enn í rannsókna hjá dönskum og breskum yfirvöldum.