Samkvæmt frétt TV2 Bornholm þá er það íbúi á svæðinu sem ber ábyrgð á hvarfi kattanna. Hann var svo þreyttur á sífelldum heimsóknum þeirra í garðinn hans, þar sem þeir gerðu þarfir sínar, að hann byrjaði að fanga þá.
Flest bendir til að hann hafi síðan sleppt þeim lausum í skógi utan við bæinn. Af þeim sökum eru líkur á að sumir kattanna séu á lífi en það gæti reynst eigendunum erfitt að finna þá aftur í skóginum og sannfæra þá um að koma með heim, svona ef köttunum fellur lífið vel í skóginum.
Kattaþjófurinn á kæru yfir höfði sér og sekt ef hann verður fundinn sekur um kattaránin.