Alexandria Ocasio-Cortez hefur borist í tal oft og mörgum sinnum á fréttarásum Fox síðastliðnar vikur. Ný rannsókn sýnir fram á að ungi demókratinn sé mikið til umræðu, en nafn hennar hefur komið fram 3181 sinnum frá 25. febrúar til 7. apríl bæði á Fox News Channel og Fox Business Network.
Að meðaltali kom nafn hennar fram í 74. skipti á dag, en ekki leið sá dagur þar sem ekki var minnst á hana á þessu sex vikna tímabili sem rannsóknin tók fyrir.
Media Matters in America sem gerði rannsóknina segir Fox-fréttastofuna vera heltekna af Cortez sem er gerð að blóraböggli. „Hún er máluð upp sem djöfull af fréttafólki og þáttarstjórnendum í hvert skipti sem skotið er á Demókrataflokkinn.“
Tucker Carlson sem er þáttarstjórnandi á Fox hefur meðal annars kallað hana „drembinn lítinn bjána“, „gervi byltingarsinna“ og „sjálfhverfa og heimska“
Cortez birti niðurstöður rannsóknarinnar á Twitter og bætti við: „Þið sjáið hversu mikið þau eru að berjast gegn almennilegri heilbrigðisþjónustu, launum og jafnrétti með því að leggja allt sitt púður í yngstu fulltrúadeildarkonu í sögunni. Sem er leiðinlegt fyrir þau því við bökkum ekki.“
Annar þáttarstjórnandi á Fox, Stuart Varney, útskýrði þetta mikla umtal á Cortez með því að segja að hún hefði góð áhrif á áhorf.