Yfirvöld í Sádi-Arabíu hafa tekið 37 einstaklinga af lífi vegna gruns um tengsl við hryðjuverkasamtök. Washington Post skýrir frá þessu og vitnar í ríkisfréttamiðil landsins. Mennirnir voru allir þarlendir ríkisborgarar.
Í frétt Washington Post kemur fram að mennirnir hafi meðal annars tekið þátt í starfsemi hryðjuverkahópa og tekið þátt í að dreifa öfgafullum skoðunum. Þá kemur fram að 43 einstaklingar hafi verið teknir af lífi í landinu á fyrstu þremur mánuðum ársins.
Sádi-Arabía er það ríki sem tekur hvað flesta fanga af lífi á ári hverju. Aðeins Kína og Íran, þar sem 249 til 285 manns voru teknir af lífi í fyrra, taka fleiri fanga af lífi. Í fjórða og fimmta sæti á þessum vafasama lista eru Írak og Pakistan.