Fjallað var um skrif hans á vefsíðunni Practial Parenting og í kjölfarið hafa margir breskir fjölmiðlar fjallað um máið.
„Alltof oft komum við að slysum þar sem lítil börn eru í bílnum. Þau eru of lítil til að geta sagt nokkuð og foreldrarnir meðvitundarlausir.“
Skrifar hann. En við þessu er einfalt ráð sem getur bjargað lífi barnsins að hans sögn. Hann hvetur alla foreldra til að setja miða, með mikilvægum upplýsingum, á barnabílstóla. Slíkir miðar geta skipt sköpum varðandi líf eða dauða.
Á slíkum miðum á að hans sögn að koma fram nafn barnsins, fæðingardagur, hverja á að hafa samband við í neyðartilfellum, hvort barnið sé með einhverja sjúkdóma, hvort og þá hvaða lyf það notar og hver heimilislæknir þess er.