Myndband náðist af kyrrstæðri Tesla Model S-bifreið springa í bílakjallara á sunnudaginn. Myndbandið sem kemur frá Kína vakti mikla athygli á samfélagsmiðlunum Weibo og Twitter.
Myndbandið kemur ekki út á góðum tíma fyrir Tesla sem ætlar sér að kynna nýja sjálfökutækni á allra næstu dögum.
„Við sendum teymi á staðinn undir eins og við erum að reyna að fá stjórnvöld þar í landi til að veita okkur upplýsingar,“ sagði í yfirlýsingu Tesla á mánudaginn.
Vitað er um að minnsta kosti 14 atvik þar sem kveiknað hefur í Tesla-bifreiðum frá árinu 2013, en í flestum tilfellum var það eftir árekstur.