Á sunnudaginn stöðvaði þýsk kona á hvíldarstæði við Bjøvlund á sunnanverðu Jótlandi í Danmörku til að hvílast aðeins og teygja úr sér. Þegar hún kom aftur að bílastæðinu sá hún sér til mikillar undrunar að bíllinn hennar var horfinn.

Að vonum hringdi hún strax í lögregluna og tilkynnti um bílstuld. Þegar lögreglan kom á staðinn var hún hins vegar fljót að leysa málið en ekki var allt sem sýndist í því. Þetta kemur fram í tísti frá lögreglunni.

Lögreglumenn fundu bílinn fljótlega inni á milli nokkurra trjá á bílastæðinu. Bíllinn hafði einfaldlega runnið þangað því konan hafði gleymt að setja hann í handbremsu.