Yfirvöld í Taívan samþykktu í dag að heimila samkynhneigðum að ganga í hjónaband fyrst ríkja í Asíu. BBC segir frá.
Í dag er alþjóðlegur dagur gegn fóbíum í garð hinsegin fólks og því táknrænn dagur fyrir samþykkt frumvarpsins. Um er að ræða gríðarlegan sigur fyrir baráttufólk fyrir réttindum hinsegin fólks í Taívan, en baráttan fyrir hjónaböndum samkynhneigðra hefur staðið um árabil.
Þetta frumvarp var þó ekki samþykkt þrautalaust því Íhaldsmenn hafa reynt að breyta frumvarpinu síðustu mánuði á þá leið að hjónaband samkynhneigðra yrði ekki formlegt heldur að samkynhneigðir myndu frekar gera sáttmála sín á milli. Á síðustu stundu tókst að koma í veg fyrir að þessar breytingartillögur fengu brautargengi.
