Replúblikaninn Nathan Ivie kom út úr skápnum í myndbandi sem hann setti á Youtube í gær. Hann segir að það hafi tekið sig meira en 20 ár að sætta sig við kynhneigð sína, eða frá því að hann var níu ára gamall.

Ivie er í Kirkju Jesú Krists hinna síðari daga heilögu sem er í daglegu tali kölluð Mormónakirkjan, en trúfélagið er á móti samkynhneigðum hjónaböndum og fordæmir sambönd samkynhneigðra. Ivie hefur ekki tjáð sig um trú sína eftir að hann kom úr skápnum.

Nathan Ivie er stjórnmálamaður í Replúblikanaflokknum, en margir meðlimir flokksins eru andstæðir samkynhneigðum hjónaböndum.

Hann segir að langanir sínar hafi ekki verið þær sömu og samfélagið hafi ætlast til af honum og það hafi orðið til þess að hann hafi reynt að svifta sig lífi þegar hann var 22. ára.

Replúblikaninn segist hafa reynt að “lækna„ samkynhneigðina án árangurs. Ivie segir að það að hafa unnið með foreldrum hinsegin barna sem höfðu fyrirfarið sér hafi veitt honum innblástur til að tjá sig um kynhneigð sína.

Ivie vonast til að myndbandið hjálpi ungu hinsegin fólki “það er í lagi að vera öðruvísi, þú getur bæði verið samkynhneigður og replúblikani… þú verður að treysta á að fólk elski þig fyrir það hver þú ert í raun og veru,“