Það er líklega fátt meira óþolandi en ökumenn sem leggja bílnum sínum í tvö stæði. Framboðið af slíkum ökumönnum er að minnsta kosti töluvert meira en eftirspurnin.
Meðfylgjandi myndband var tekið á ónefndum stað og hefur það vakið talsverða athygli á Facebook undanfarna daga.
Þar má sjá ökumann rauðrar Toyotu-bifreiðar stríða ökumanni Mercedes Benz-bifreiðar, en sá síðarnefndi hafði lagt bifreið sinni í tvö stæði. Ökumaður rauða bílsins gerði ekkert rangt og lagði bílnum sínum í eitt stæði en það gerði það að verkum að ökumaður Bens-bifreiðarinnar, kona á besta aldri, komst ekki inn í sinn bíl.
Myndband af uppákomunni má sjá hér að neðan: