Kanada vill banna „hættulegar“ einnota plastvörur strax árið 2021 til að reyna að sporna við plastmengun í höfunum, segir Justin Trudeau forsætisráðherra.

Þetta er byggt á svipuðum lögum sem sett voru af Evrópusambandinu og öðrum þjóðum á síðasta ári. Kanada mun einnig setja „markmið“ sem hvetja fyrirtæki sem framleiða eða selja plast til að vera ábyrg með plastúrgang sinn.

Í dag er minn en 10% af plasti sem notað er í Kanada endurunnið.

Trudeau kallar vandamál vegna plastmengunar „heimsvandamál“. Í maí náðist, að sögn Sameinuðu þjóðanna, samkomulag á milli 180 þjóða um að minnka það plastmagn sem endar í heimshöfunum, þar sem það getur skaðað fisk, skjaldbökur, hvali og annað dýralíf.

Kanadíska ríkistjórnin á enn eftir að ákveða hvaða einnota platvörur verða á bannlistanum, en það gætu meðal annars verið plastpokar, einnota rör, hnífapör og diska.

Um það bil 3 milljónun tonna af plasti er hent á hverju ári í Kanada.

„Sem foreldrar erum við nú í þeirri stöðu að þurfa að leita að bletti sem ekki er þakinn plaströrum, flöskum eða frauðplastsglösum, þegar við förum með börnin okkar á ströndina“ segir Trudeau. „Þetta er vandamál sem við verðum að gera eitthvað við“.

Í október 2018 bannaði Evrópusambandið notkun á ýmisskonar einnota plasti í sambandinu til að reyna að sporna við plastmengun hafanna.

Evrópusambandið vonast til að lögin verði farin að hafa áhrif í öllu sambandinu frá 2021.

Bannið náði meðal annars til plasthnífapara og diska, eyrnapinna og röra og hvatti til minnkaðrar notkunar á einnota plasti undir mat, svo sem plastglösum.

Forsætisráðherrann tilkynnti þetta, þegar aðeins fáir mánuðir eru til næstu kosninga, sem verða í haust.

Loftslagsbreytingar og mengun eru meðal þeirra málefna sem búist er við að verði áberandi í kosningabaráttunni. Fjölmörg svæði í Kanada hafa á undanförnum misserum bannað ýmiskonar einnota plastvörur, aðaláherslan hefur verið á einnota plastpoka.  Trudeau styður þessar aðgerðir og segir að „alvörulausn þurfi að ná til alls landsins“.