Á fundi í síðustu viku vöruðu fulltrúar kínverskra stjórnvalda fyrirtæki á borð við Dell, Microsoft og Samsung við alvarlegum afleiðingum þess að hætta að selja vörur sínar til Kína. The New York Times skýrir frá þessu.
Donald Trump, Bandaríkjaforseti, setti Huawei á svartan lista í Bandaríkjunum í maí vegna gruns um að fyrirtækið stundi njósnir á vegum kínverskra yfirvalda. Bannið hefur orðið til þess að mörg stór bandarísk tölvufyrirtæki íhuga að flytja starfsemi sína frá Kína.
Á fyrrnefndum fundi var fyrirtækjunum kynnt að bann Bandaríkjastjórnar hafi sett ýmislegt úr skorðum í flæði vöru og þjónustu í tölvuiðnaði um allan heim.
Facebook tilkynnti á föstudaginn að framvegi megi ekki setja öpp frá fyrirtækinu inn á farsíma frá Huawei áður en þeir eru seldir. Þar á meðal er Facebookappið, Messenger og Instagram. Ekki er ljóst hvort setja megi þessi öpp inn á símana eftir að þeir hafa verið seldir.