Á síðustu 12 mánuðum hafa eignir Trump aukist um 5%, í 3 milljarða dollara, eða u.þ.b. 377 milljarða íslenskra króna, Bloomberg skýrir frá þessu. Tölurnar koma frá milljarðamælingaskrá (Billionaires Index) Bloomberg, þar sem reglulega er farið yfir eignir ríkasta fólks heims.
Uppgjörið byggir á upplýsingum frá lánveitendum, fasteignaeign, hlutabréfaeign og reikningum sem gerðir höfðu verið opinberir fyrir 16. maí í ár.
Trump á þessu góða fjáhagslega gengi að fagna þrátt fyrir vandræði hjá fjölskyldufyrirtæki hans, þar má meðal annars nefna að hætt var við samning um tvær nýjar hótelkeðjur og minnkandi áhuga á Mar-a-Lago-ferðamannastað hans í Flórída, segir Bloomberg.
Þessa góðu fjárhagsstöðu má því aðallega skýra með auknu verðmæti fasteigna sem Trump á hluta í. Um er að ræða tvær Vornado-fasteignir sem staðsettar eru á Manhattan og í fjármálahverfinu í San Francisci. Verðmæti þessara tveggja eigna jókst um 33% á síðasta ári og eignarhlutut Trump í þessum tveimur byggingum nemur um 765 milljónum dollara.
