Breskir lottókaupendur hafa verið óvenju heppnir í EuroMillions-lottóinu á þessu ári. Heppnin hófst á nýársdag, þegar hjón frá Norður Írlandi unni 115 milljónir punda, eða rúmlega 18 milljarða íslenskra króna.
Í mars var það svo Ade Goodchild frá Hereford á Englandi sem datt í lukkupottinn og vann 71 milljón punda, eða rúmlega 11 milljarða íslenskra króna. Hinn 58 ára gamli Englendingur sagði eftir að hafa unnið að nú væri komið að því að njóta lífsins.
„Ég er ekki einn af þeddum vinningshöfum sem segir að vinningurinn muni ekki breyta mér. Það mun hann sko gera, ég mun að minnsta kosti reyna. Ekki meiri vaktavinna fyrir mig,“ sagði hann.
Til að byrja með lét hann samt nægja að fara á rugby leik og bjóða foreldrum sínum upp á pitsu.
Í apríl kom aftur stór vinningur til Bretlands, þegar óþekktur lottókaupandi vann 35,2 milljónir punda í EuroMillions.
„Þetta hefur verið ótrúlegt ár fyrir breska þátttakendur í EuroMillions, fjórir stórir vinningar hafa komið hingað fram að þessu,“ sagði Andy Carter, sem starfar hjá The National Lottery við að veita þeim sem unnið hafa stóra vinninga ráðgjöf, í viðtali við Sky News.
Stórir lottóvinningar tryggja þó ekki eilífa hamingju.
Árið 2011 settu Colin og Christine Weir breskt met þegar þau unnu 161 milljón punda, í apríl á þessu ári tilskynntu þau að þau væru að skilja. Önnur hjón skildu, aðeins ári eftir að þau, unnu í ágúst 2012 148 milljónir punda.