Að minnsta kosti benda niðurstöður rannsóknar kínverskra og þýskra vísindamanna til þessa. Þeir hafa fundið sannanir fyrir að fyrir um 2.500 árum hafi fólk vitað hvaða áhrif kannabis, eða öllu heldur virka efnið í því (THC) hefur.
Videnskab.dk skýrir frá þessu. Fram kemur að vísindamennirnir hafi fundið leifar af kannabisi í 2.500 ára reykelsisbrennurum sem voru notaðir við útfarir í Pamir-fjallakeðjunni í Kína.
Lengi hefur verið vitað að kannabis var notað sem olía og var ræktað í Austur-Asíu árþúsundum saman en aldrei fyrr hafa fundist vísbendingar um að það hafi verið notað sem fíkniefni.
Rannsókn vísindamannanna sýndi að það var meira magn af THC í reykelsisbrennurunum en er í villtum kannabisplöntum. Í fréttatilkynningu frá Nicole Boivin, hjá Max Planck Institute for the Scinece of Human History, kemur fram að þessi uppgötvun styðji þær kenningar að kannabis hafi aðallega verið notað vegna þeirra áhrifa sem THC hefur á notendur þess. Þessi notkun hafi hafist í austanverðri Miðasíu og hafi síðan breiðst út til annarra heimshluta.