Níu mánuðir eru nú liðnir síðan bandaríski grínistinn Bill Cosby hóf afplánun fangelsisdóms í öryggisfangelsi skammt frá Philadelphiu í Bandaríkjunum.
Cosby, sem var einn vinsælasti skemmtikraftur heims um margra ára skeið, var dæmdur í þriggja til tíu ára fangelsi fyrir kynferðisbrot sem hann framdi árið 2004.
Svo virðist vera sem Cosby, sem er orðinn 81 árs, hafi aðlagast lífinu í fangelsinu vel. Talsmaður hans, Andrew Wyatt, segir við bandaríska fjölmiðla að Cosby sé einkar vinsæll meðal samfanga. Í fangelsinu heldur hann meðal annars fyrirlestra, stundar líkamsrækt af miklum krafti og ræðir við fanga augliti til auglitis.
„Hann er kominn niður í 84 kíló,“ segir Wyatt og bætir við að Cosby stundi æfingar daglega í fangelsin. Þá haldi hann fyrirlestra fyrir aðra fanga. „Hann talar til dæmis mjög reglulega á námskeiði sem heitir “Man Up” en á því eru fangar sem fá bráðlega reynslulausn. Þetta eru fangar sem eru haldnir kvíða vegna þess sem bíður þeirra utan fangelsisins,“ segir hann.
