Þú hefur kannski heyrt um fólk sem hefur séð Jesúmyndir á ristaða brauðinu sínu eða eitthvað því um líkt. Nú hefur enn einu sinni frést af undarlegum myndum. Háskólinn í Arizona í Bandaríkjunum birti í fréttatilkynningu myndir, sem hafa sett „nörduðu“ hluta internetsins á hliðina. Videnskab.dk skýrir frá þessu en þar má sjá fleiri myndir og upptöku af uppgötvuninni. Háskólinn hefur einnig birt vísindalegar skýringar á fyrirbærinu.

Sumir kenningasmiðir á internetinu sögðu að um væri að ræða fótspor, á meðan aðrir héldu því fram að þetta væri Star Trek lógó.

Myndina tók könnunartæki NASA, Mars Reconnaissance Orbiter, í suðausturhluta svæðis sem kallast Hellas Planitia.

Samkvæmt Háskólanum í Arizona er „fótsporið“ í rauninni flókin blanda kletta, hrauns og vinds, segir Videnskab.dk. Fyrir löngu síðan voru stórir klettar, í laginu eins og hálfmáni, á þessu svæði. Á einhverjum tímapunkti varð eldgos á svæðinu sem dreifði hrauni um hluta svæðisins, í kringum en ekki á, klettana. Síðan þá hefur vindurinn sorfið klettana niður og skilið eftir þessi hálfmána löguðu mót af hinum stóru klettum.

Þetta eru vel þekkt fyrirbæri sem vísindamenn kalla kletta-afsteypur.

Þetta var ein möguleg skýring.

Önnur skýring gæti verið að Spock og Kirk og félagar þeirra séu að reyna að segja okkur eitthvað. Eins og þegar Jesús birtist í ristaða brauðinu þínu.