Undirráðherra Utanríkisráðherra Bretlands, Mark Field, hefur verið leystur tímabundið frá störfum eftir að ráðast á umhverfismótmælanda við hátíðarkvöldverð sem hann varð viðstaddur í gær.
Mótmælendur söfnuðust saman við hátíðarkvöldverð, sem var haldinn í borgarstjórabústaðnum í London, til að vekja athygli á loftslagsneyðinni. Einum mótmælanda, Janet Barker, tókst að komast inn að sjálfum embættismönnunum þar sem þeir voru að snæðingi.
Á myndbandinu má sjá hvar utanríkisráðherra, Mark Field, stekkur á fætur, ýtir mótmælandanum upp við súlu og dregur hana svo burt á hnakkadrambinu.
Myndbandið hefur vakið hörð viðbrögð og þykir Field hafa gengið alltof hart fram miðað við aðstæður.
Field hefur gefið út yfirlýsingu vegna málsins þar sem hann segist harma atvikið.
„Í ringulreiðinni upplifðu margir gestir, skiljanlega, að þeim væri ógnað og þegar einn mótmælandi ruddist framhjá mér þá brást ég ósjálfrátt við.“
„Þarna var engin öryggisgæsla og ég virkilega taldi þarna um stund að hún væri vopnuð“
„Þess vegna greip ég innrásarmanninni föstu taki svo það væri hægt að koma henni þaðan út eins fljótt og auðið væri.“
Talsmaður forsætisráðherra hefur staðfest að Theresa May hafi séð myndbandið og líti atvikið alvarlegum augum.
„Forsætisráðherra hefur séð upptökuna og telur málið alvarlegt. Lögreglan er að taka skýrslur vegna málsins og Mark Field hefur gefið sig fram við stjórnarráðið og íhaldsflokkinn. Hann verður leystur frá ráðherraembættinu á meðan rannsókn fer fram.“
Greenpeace samtökin í Bretlandi, sem stóðu fyrir mótmælunum, hafa gefið út að þrátt fyrir aðförina þá hafi mótmælandinn, Janet, það gott.
„Hún svaf vel í nótt og hefður það gott. Við erum að hugsa um hana. Þakka ykkur öllum fyrir ástina og áhyggjurnar. Við deilum þessari jákvæðni með henni“
