Síðdegis á laugardaginn gekk öflugt þrumuveður yfir hluta Danmerkur. Par, sem sat í stofusófanum heima hjá sér í Mern á sunnanverðu Sjálandi, átti sér einskis ills von. Um klukkan 13 urðu þau óbeint fyrir eldingu þar sem þau, að því að þau töldu, sátu í skjóli fyrir óveðrinu.

TV2 skýrir frá þessu. Maðurinn var að tala í síma sem var í hleðslu þegar eldingu sló niður nærri húsinu og komst í raflínur. Þær leiddu strauminn upp í símann og í manninn. Konan sat við hlið hans og hafði lagt fætur sínar upp á hann og fékk því einnig straum.

Sem betur fer slapp fólki vel frá þessu og meiddist ekki alvarlega. Eldur kom upp í rafkerfi hússins en tjónið varð lítið. Auk þess varð tjón vegna vatns sem var notað við slökkvistarfið.