Karlmaður, sem býr í úthverfi Detroit í Michigan í Bandaríkjunum, vann rúmlega 30 milljónir dollara í lottói 2013. Hann stóð þá í skilnaði við eiginkonu sína en þau höfðu þá verið skilin að borði og sæng í tvö ár og var ekki endanlega gengið frá skilnaðinum fyrr en á síðasta ári. Nú hefur áfrýjunardómstóll í Michigan úrskurðað að eiginkona fyrrverandi fái helming vinningsins.

Áður hafði gerðardómari, í skilnaðarmálinu, úrskurðað að eiginkonan, Mary Beth Zelasko, myndi fá helming vinningsins þrátt fyrir að hún og Rich Zelasko hafi verið skilin að borði og sæng í tvö ár þegar hann keypti lottómiðann 2013.

Lögmaður Rich sagði fyrir dómi að Rich hafi verið heppinn og það hafi verið hans heppni en ekki heppni Mary sem færði honum lottóvinninginn. Gerðardómarinn sagði hins vegar að lottómiðinn væri sameiginleg eign þeirra hjóna og það staðfesti áfrýjunardómstóllinn.